БИШКЕК, 19-май — Sputnik. Айыл чарба министрлиги лизингге айыл чарба техникасын алууга керектүү документтерди тизмектеди.
Мекемеден белгилегендей, лизингге дыйканчылык техникаларын алуу үчүн тургун адегенде жашаган же катталган жери боюнча "Айыл Банк" ачык акционердик коомунун ошол аймактагы бөлүмүнө арыз менен кайрылышы керек. Кыргызстандын ар бир районунда "Айыл Банктын" бөлүмдөрү бар.
Төмөндө лизингге айыл чарба техникасын алуу үчүн зарыл болгон документтердин тизмеси:
паспорт;
үлүш жердин техникалык паспорту;
нике күбөлүгү;
жеке ишкерлик тууралуу күбөлүк (айыл өкмөттөн);
Салык кызматынан маалым кат;
Салык кызматынан патент.