БИШКЕК, 17-май — Sputnik. Бишкекке жакын жайгашкан Кант шаарынын жанындагы Дмитриевка айылында атышуу болуп, эркек кишилердин тобу медресени курчап алганын маалымат булактар билдирди. Алдын ала берилген кабарга караганда, күч түзүмдөрүнүн куралчан кылмыштуу топту кармоо операциясы жүрүп жатат.
Дмитриевка айылы Бишкектен 30 чакырым алыстыкта жайгашкан. Учурда ал жерде тартип коргоо органдарынын кызматкерлери иштеп жатканы айтылды.
Аталган айыл эки тараптан курчоого алынганы кабарланды.
Соңку маалыматтарда тартип коргоо органдары менен кылмыштуу топтун мүчөлөрү атышып жатканы айтылды.