БИШКЕК, 15-май — Sputnik. Түркиянын Шайлоо комиссиясы президенттик шайлоонун экинчи айлампасы 28-майда өтөрүн расмий жарыялады. Бул тууралуу РИА Новости жазды.
"Азыркы кырдаалга таянып, эч бир талапкер 50 пайыз добуш ала албагандыктан 28-майда президенттик шайлоонун экинчи айлампасын өткөрүү чечими кабыл алынды. Бул Түркиянын тарыхында биринчи жолу болот", — деп билдирди комиссиянын жетекчиси Ахмет Йенер.
Бишкек убактысы боюнча 18:15ке карата Режеп Эрдоган — 49,51 пайыз, Кемал Кылычдароглу — 44,88 пайыз, Синан Оган 5,17 пайыз алышты. Бирок чет өлкөдө добуш берген шайлоочулардын 35 миңден ашуун бюллетендери санала элек. Түркияда шайлоо участкаларынан алынган бюллетендерди саноо 100 пайызга аяктады.