БИШКЕК, 10-май — Sputnik. Бүгүн Кыргызстанда улуттук валюта — сомдун 30 жылдыгын жана банк кызматкерлеринин кесиптик майрамын белгилеп жатышат.
Статком банк тармагы тууралуу кызыктуу фактыларды берген:
Кыргызстанда 23 банк болсо, анын 14үндө чет элдик капиталдын үлүшү бар;
банк тармагында 18,5 миң адам эмгектенет;
былтыр финансылык далдалчылык тармагындагылардын орточо айлыгы 50,3 миң сомду түзгөн. Маяна мурдагы жылга салыштырмалуу 21 пайызга өскөн;
банктарда 8 миллиондон ашык эсеп ачылган;
өткөн жылы банктардын кирешеси дээрлик 93 миллиард сом (1,7 эсеге көбөйгөн), ал эми көргөн пайдасы 35 миллиард сом (эки эсеге өскөн) болгон.