Бүгүн эртең менен миңдеген адам калаанын Түштүк дарбазасына чогулуп, саат 9:00дөн кийин жүрүшкө чыгышты
Алар Байтик баатыр/Абдрахманов көчөсү менен “Жеңиш” аянтына чейин басып келишти
Бул акция 2013-жылдан бери өткөрүлүп келе жатат. Алгач Ош шаарында башталган. 2014-2015-жылдары Бишкекте өтүп, ага үч миң адам катышкан
2017-жылы 50 миңден ашык киши жүрүшкө чыккан. Жыл сайын көптөгөн жаңы шаарлар, айылдар кошулуп жатат
Акциянын катышуучулары Улуу Ата Мекендик согуштун жана ооруктун каармандарынын сүрөттөрүн көтөрүп 2,5 саат жөө басат
Бала-чакасын ээрчитип үй-бүлөсү менен келген адамдарды да көрүүгө болот
Быйыл “Өлбөс полкко” 12 миң адам катышып, аларды аянттан 3000 киши тосуп алды
Жүрүш учурунда 2,5 миңден ашуун милиция кызматкери коопсуздукка көз салып турду
Майрамдагы кубаныч, эскерүү, мындайда көзүңө жаш тегеренбей койбойт
“Жеңиш” аянтында митинг-реквием өтүп, Өчпөс отко гүлчамбар коюу расмий аземи болду
Согушта курман болгон жана аман кайтып келген аталардын эрдигин эскерүү урпактардын милдети
Салтанаттуу иш-чаралар Ошто, Жалал-Абадда, Таласта, Балыкчыда, Баткенде, Нарында жана башка калктуу конуштарда өттү