БИШКЕК, 8-май — Sputnik. Көзү азиз кыргызстандык Жалалдин Абдувалиев паратриатлон боюнча экинчи ирет дүйнө чемпиону болду. Бул тууралуу КРдин Триатлон федерациясы билдирди.
Узак дистанция боюнча дүйнө чемпионаты Ибицада (Испанияда) өттү.
PTVI категориясында (көзү өтө начар же такыр көрбөгөн спортчулар катышат) Жалалдин Абдувалиев менен лидер-спортчу (коштоочу) Артем Шапилов биринчи орунду алып, экинчи ирет дүйнө чемпиону болушту.