БИШКЕК, 5-май — Sputnik. Нарын облусунда Улуу Ата Мекендик согуштун катышуучуларына президент Садыр Жапаровдун атынан 100 миң сомдон тапшырылды. Бул тууралуу аймактык кабарчы билдирди.
Аны өлкө башчынын Нарын облусундагы ыйгарым укуктуу өкүлү Алтынбек Эргешов дарегине жеткирип, ардагерлерди майрамы менен куттуктаган.
Учурда Нарын облусунда Улуу Ата Мекендик согуштун үч ардагери бар:
Ат-Башы районунун Ат-Башы айылынын тургуну, 98 жаштагы Сатынды Жапаров;
Кара-Суу айылынын тургуну, 98 жаштагы Тапа Керимкулов;
Нарын шаарынын тургуну, 101 жаштагы Тукеш Токтомушев.
Ардагерлер президенттин көңүл буруусуна терең ыраазычылык билдирип, батасын беришти.