БИШКЕК, 30-апр. — Sputnik. Кыргызстандык жаачы Ынтымак Мурадил уулу жаа атуу боюнча "Алтын Ордо" эл аралык мелдешинде жеңүүчү болду. Бул тууралуу Дене тарбия жана спорт департаменти маалымдады.
Билдирмеге ылайык, мелдеш Казакстандын Атырау шаарында өткөн. Мурадил уулу — Кыргызстандын жаа атуу боюнча улуттук курама командасынын мүчөсү. Спортчу 70 метр аралыкка атуу боюнча таймашка катышкан.
Мелдеш 26-апрелден 29-апрелге чейин өтүп, анда Кыргызстан, Россия, Казакстан, Өзбекстан, Түркия , Малайзия, Венгрия, АКШ, Австрия, Монголия, Бириккен Араб Эмирлигинен келген 130дан ашык спортчу күч сынашты.