БИШКЕК, 26-апр. — Sputnik. Баңгизатты жутуп алып түрмөгө алып кирүүгө аракет кылган курьер кармалды. Бул тууралуу Жаза аткаруу кызматынан билдирди.
© Фото / пресс-службы СИН МЮ КР
Маалыматка ылайык, ыкчам кызматкерлер абактардын бирине келген мурда соттолгон Х.Ф. аттуу жарандын ашказанында баңгизат бар экенин аныкташкан. Андан соң ичинен медициналык шприцтердин цилиндринен жасалган үч контейнер гашишке окшош зат чыгарылган. Булардын жалпы салмагы 30 граммды түзгөн.
Аталган факт Эреже бузуулардын бирдиктүү реестрине катталып, тиешелүү тергөө иштери жүрүп жатат.