БИШКЕК, 23-апр. — Sputnik. Баткенде волейбол боюнча облус башчысынын кубогу өтүүдө. Бул тууралуу жергиликтүү кабарчы маалымдады.
Иш-чара президенттин "Инсандын руханий, адеп-ахлактык өнүгүүсү жана дене тарбиясы жөнүндөгү" жарлыгынын алкагында, бүгүн, 23-апрелде, башталды.
Эркектер жана аялдар арасында өтүп жаткан оюндарга жалпысынан 25 команда катыштууда.
Мелдештин максаты — облус элинин ынтымагын, биримдигин чыңдоо, коомчулукту сергек жашоого үндөө.
Мелдештин салтанаттуу ачылышында президенттин облустагы өкүлү Абдикарим Алимбаев катышуучуларга ийгилик каалады.