Чоңдордон сырткары, балдар үчүн да атайын аралыктар каралган. Уюштуруучулар 3-5 жаштагылар үчүн 100 метрди, 6-8 жаштагылар 300 метрди, ал эми андан чоңураактарга жарым чакырымды, өспүрүмдөргө бир чакырымды белгилеп беришкен.
Жарышта жаш курак чектелген жок, алтымыш жаштан өткөндөр да келди. "Аска-Таш" мемориалдык комплексинен 3 500 жөө күлүк старт алып, мара ошол жерде болду.
Ал эми жарым марафондун максаты массалык спортту өнүктүрүү экенин айтышты. Иш-чараны Nomad Sport коомдук бирикмеси уюштурду.
Sputnik Кыргызстан маалымат агенттиги менен радиосу Bakai Bank Jaz Demi иш-чарасынын маалыматтык өнөктөшү болуп саналат.