БИШКЕК, 20-апр. — Sputnik. Өзгөчө кырдаалдар министрлигине Түштүк Кореядан алып келинген төрт Тез жардам автоунаасы тапшырылды. Бул тууралуу аталган ведомстводон кабарлады.
Автоунаалар Кыргызстан менен Түштүк Кореянын Өзгөчө кырдаалдар министрликтеринин ортосунда буга чейин жетишилген макулдашуулардын негизинде келген. Техниканы Кореянын Кёнгидо провинциясынын Өрт өчүрүү башкармалыгы бөлдү.
Өзгөчө кырдаалдар министри Бообек Ажикеев Кёнгидо провинциясынын аталган башкармалыгына жана Кореянын социалдык камсыздандыруу фондунун өкүлдөрүнө бул жардам үчүн ыраазылык билдирди.