БИШКЕК, 18-апр. — Sputnik. Бишкектин батыш бөлүгүндө жана айылдарда 20-апрель күнү эртең мененки саат 09:00дөн 22:00гө чейин суу өчө турганын мэриянын маалымат кызматы билдирди.
Бул күнү "Баш-Кара-Суу" кампасында оңдоо иштери аткарылат.
Суу Сарбан, Жал, Кашкабаш, Жогорку Орок айылдарында, 105-контурдун батыш бөлүгүндө, ТЭЦ-2, Достук, Ак-Ордо конуштарында, Жаңы селекцияда жок болот.
Мэрия ыңгайсыздык үчүн кечирим сурап, шаардыктарды алдын ала суу камдап алууга чакырды.