БИШКЕК, 17-апр. — Sputnik. Министрлер кабинетинин төрагасы Акылбек Жапаров "Газпром" акционердик коомунун башкармалыгынын төрагасынын орун басары Виталий Маркелов менен жолукту. Бул тууралуу өкмөттүн маалымат кызматынан кабарлады.
Жолугушуунун жүрүшүндө тараптар кызматташуунун артыкчылыктуу багыттары жана 2030-жылга чейин Кыргызстанды газ менен камсыздоо талкууланган. Мындан сырткары, газдаштыруунун башкы схемасынын алкагында өлкөнү газ менен камсыздаган системасын жакшыртуу боюнча мындан аркы чаралар сүйлөшүлгөн.
"Жапаров "Газпром" тарабынан өлкөдө спортту өнүктүрүүгө жана билим берүү тармагын колдоого көңүл бурулуп жатканын жогору баалап, бир катар социалдык, спорттук объектилерди куруп жаткандыгы үчүн ыраазычылык билдирди", — деп айтылган маалыматта.