БИШКЕК, 15-апр. — Sputnik. Бишкекте баңгизаттарын мессенжер аркылуу сатып жүргөн 27 жаштагы Х.О. аттуу бала кармалды. Бул тууралуу шаардык милиция кабарлады.
Шектүү интернет-дүкөнүн негиздеп алган. Аны кармоодо шымынын чөнтөгүнөн 7,5 грамм гашиш жана телефонунан "иш кылган" аккаунту табылган. Ошондой эле жашаган үйүнөн 105 грамм марихуана алынган.
Аталган факты боюнча Кылмыш-жаза кодексинин 283-беренеси ("Баңгизат каражаттарын, психотроптук заттарды жана алардын аналогдорун сатып өткөрүү максаты жок мыйзамсыз даярдоо") менен иш козголду.
Шектүү Бишкек ШИИБдин убактылуу кармоочу жайына эки айга камакка алынды.