БИШКЕК, 11-апр. — Sputnik. РФ өкмөтү Кыргызстан менен Россиянын абадан коргонуучу биргелешкен системасын түзүү жөнүндө макулдашууну Мамлекеттик Думага жана Федерация кеңешине ратификациялоого киргизүү үчүн президенттин кароосуна койду. Тиешелүү токтом укуктук маалымат порталына жарыяланды.
Анда Россия менен Кыргызстандын ортосунда 2022-жылдын 16-августунда кол коюлган макулдашууну, тагыраагы, Биргелешкен регионалдык абадан коргонуучу система түзүүнү РФ өкмөтү жактырганы жазылган.
Эми парламент ратификациядан өткөрүшү шарт. Документти Мамдумага президент Владимир Путин сунуштайт.