БИШКЕК, 10-апр. — Sputnik. Кыргызстандык грек-рим күрөшү боюнча балбан Жоламан Шаршенбеков Азиянын чемпиону болду.
Ал Астанада өтүп жаткан континенталдык биринчиликте алтын медаль утту.
Балбан финалда түштүк кореялык Хан Жаи Чанг менен кармашып 10:0 эсебинде жеңишке жетишти.
Шаршенбеков чейрек финалда индиялык каршылашын 53 секундда багындырып, жарым финалда япониялык спортчуну жеңген.
Дагы бир кыргызстандык спортчу Раззак Бейшекеев (67 килограмм салмакка чейин) коло медаль алды.