"Тарыхый изилдөө иштери Кытай, Казакстан, Өзбекстан архивдерин казууга байланган. Бирок соңку төрт жылда бул багытка каражат бөлүнбөй келди. Сымя Цяндын 2200 жыл баштагы окуяны жазганынан ары кыргыз тарыхы 800 жылга тереңдеди. Кытайдын белгилүү окумуштуусу, профессор Ю Тайшан жаңы жазма булактарга таянып, кыргыздар 3000 жыл мурда эле тарыхта аты аталганын бышыктаган илимий макаласын жазды. Мындан тышкары, 2019-жылы Кытай архивинен 10 миң беттен турган архивдик документтер чыкты. Ошолорду кыргыз тилине которуу милдети кыргыз тарапка жүктөлгөн, бирок каражат жок токтоп калган. Тынымсыз кайрылуулардан улам 13 миллион сом бөлүндү. Ал жогоруда айтылган документтерди которууга, фонддун кызматкерлеринин маянасына, имараттын ижарасын төлөөгө жумшалат. Анткени фонддун кызматкерлери тогуз ай маянасыз иштеп келди", — деди Молдокасымов.