БИШКЕК, 3-апр. — Sputnik. Кыргызгидромет агенттиги алдыдагы аптада Талас облусунда күтүлгөн аба ырайы боюнча божомолун айтты.
Ага ылайык, бүгүн-эртең чыгыштан соккон шамалдын ылдамдыгы секундасына 4-9 метрге, түнкүсүн айрым жерлерде 15-20 метрге жетиши мүмкүн.
4-апрелден тарта 9-апрелге чейин айрым жерлерде өткүн өтүп, күн күркүрөшү, бийик тоолуу райондордо кар жаашы күтүлүүдө.
Күндүн табы аптанын соңунда +12…+17 градуска жетет. Анткен менен бүгүн түнү үшүк жүрүп, аба ырайы -1...-3 градуска чейин төмөндөйт.
Бийик тоолуу райондордо жолдор тоңголок, тайгак болот.