БИШКЕК, 27-мар. — Sputnik. Алтындын дүйнөлүк баасы өсүп, анын ичинен Кыргызстанда да көтөрүлдү.
Лондондогу баалуу металлдар рыногу ассоциациясынын кечки фиксинги (дээрлик дүйнөлүк баа) акыркы эки аптадан бери тынымсыз өсүп жатат. Бул мезгил ичинде унциясы 1 861,3 доллардан (10-мартка карата) 1 993,8 долларга (24-мартка карата, ал эми дүйшөмбүнүн маалыматтары азырынча чыга элек) көтөрүлгөн.
Мунун жыйынтыгында Улуттук банктын алтын уютмаларынын баасы да өскөн. Мисалы, акыркы эки күндө бир граммы жети миң сомго кымбат болгон.
13-марттан тарта (дүйшөмбү) баа металлдын нак эмес эсебинде (электрондук алтын), маселен, айыл банкта бир граммы 300, Бакай банкта дээрлик 400 сомго кымбаттаган.
Баанын улам көтөрүлүп бара жатышына адистер Silicon Valley Bank (SVB) урагандыгын себеп катары карап жатышат. Бул 2008-жылдагы финансылык кризистен берки АКШнын банкындагы ири банкроттук болуп калганын айтышты.
Эске салсак, Улуттук банкта Кумтөрдөн казылган 43 тонна 444 килограмм 13 грамм алтын сакталып турат. 1 362 килограмм баалуу металл башкы банктын контрагентинде — швейцариялык банкта салынуу. Президенттин айтымына караганда, бул акча күтүлбөгөн жагдайлар чыгып калганда колдонулат.