БИШКЕК, 23-мар. — Sputnik. Түндө саат 2:07де очогу Тажикстандын Зеравшан тоо кыркасында жайгашып күчү 7,5 баллга жеткен жер титирөө Кыргызстанда да сезилгенин Сейсмология институту билдирди.
Маалыматта жер силкинген аймак Баткендин Раззаков шаарынан түштүктү көздөй 65 чакырым, Сүлүктүдөн түштүктү көздөй 75 чакырым, Баткенден түштүк-батышты көздөй 140 чакырым аралыкта жайгашканы айтылды.
Сүлүктү, Раззаков шаарларында жер титирөөнүн күчү 5, ал эми Баткен шаарында 4 баллга жеткен.