БИШКЕК, 22-мар. — Sputnik. Улуу Британиянын Киевге акталган уран кошулган ок-дарыларды берүүсү жана анын айланасындагы саясий "максаттар" туурасында Россия ТИМинин расмий өкүлү Мария Захарова Sputnik радиосунда өзүнүн автордук программасында айтып берди.
Төмөндө анын айткандарынан алып бермекчибиз:
Захарова акталган уран кошулган ок дарыларды адаттагы ок-дарылар менен салыштырууга болбой тургандыгын, мунун адамдардын ден соолугуна түздөн-түз терс таасирин берерин билдирди;
Муну түшүнгөндөр аз, аталган куралды берүү боюнча жар салган аял (Улуу Британиянын коргонуу министринин орун басары Аннабель Голди – ред.) анын кесепетин аягына чейин сезеринен күмөнүм бар. Бул снаряддан бутага алгандар эле эмес, андан аркы муундары, кийин да ошол жерде жашагандар жабыркайт. Себеби кыйратуу, талкалоодон сырткары жер ууланып жатат. Буга кошумча ал куралды колдонгондорго да сокку урулат;
Бул элементтер — сооттолгон техникаларды жана коргоого алынган инфраструктураларды талкалаганда тешип кете турган ок дарыларда болот;
Захарова жапырт кыргын салуучу куралды колдонуу темасында дүйнөдө манипуляция жасоо дестабилдүүлүктү орнотуу боюнча англосаксон логикасына туура келерин айткан;
Бул англосаксондордун акылсыздыгы, жоопкерчиликсиздиги жана жазаланбастыгы боюнча маселе. Биз аны эл аралык иштер боюнча Лондон менен Вашингтондун англосаксондук дуэти деп атайбыз;
Украинадагы кырдаалдын тегерегинде агрессияны, карама-каршылыкты жаңы деңгээлге алып чыгып, ырбатып, жаңы өңүткө өткөрүү үчүн жасалган британиялык кезектеги чагымчылык деп билебиз;
Бул билдирүүнүн Россия-Кытай сүйлөшүүлөрү учурунда жасалгандыгы — Британия тарабынан атайылап кылынды деп ойлойм. Анда сүйлөшүүлөрдүн темасы — эл аралык туруктуулук, тынчтыкты сактоо, украин чатагынын айланасында кытай тараптын тынчтык демилгелери болчу. Анан эле Киев режимине Британия акталган ураны бар снаряддарды бере турганы боюнча жар салышты. Бул бизге Украина чатагынын башталышынын жана анын улам өрт алышынын артында ким турганы боюнча күмөн санабоого негиз болуп берет;
Батыш дүйнөдөгү туруксуздук, Украинадагы чатактын ырбашын эле эмес, бул аймактагыларды жашоо мүмкүнчүлүгүнөн ажыратууну каалап турат;
Уран кошулган снаряддарды колдонгондо, өзөктүк компонент тууралуу кеп болуп жатканда, өзүңөр билгендей, ал бөлүкчөлөр, элементтер кайсы жактын жараны, кайсы улут экенин, визаны, паспортту, эмнеге ишенериңди сурабайт.
Радиация адатта Киев режиминдей болуп "Крым кимдики?" деп собол салбайт. Радиация баарын жок кылат да, ошол жерде өзү кала берет.