БИШКЕК, 16-мар. — Sputnik. Мамиле жаңы башталып же толук кандуу кыз-жигит болуп жүргөн кезде эркектен келечекте тиран күйөө чыгарын кантип баамдаса болот? Бул суроого РИА Новости агенттигине берген маегинде психолог Екатерина Сиванова жооп берди.
Адис төмөнкү белгилерге көңүл бурууну сунуштайт:
эч качан күнөөсүн мойнуна албайт, анын алдында ар дайым аял киши күнөөлүү;
кызга таарынган учурда "мендей эркекке эч качан жолукпайсың", "сени мендей эч ким сүйбөйт" деген сөздөр көп чыгышы мүмкүн;
болор-болбос нерсе үчүн өзүнөн чыгып, кекетип-мокотконго чейин барат;
уруш-талаш же таарынычтан кийин эч нерсе болбогондой жылуу сүйлөп, кечирим сурабай туруп эле кыздын көңүлүн жибитип алууга болгон аракетин кылат;
көпчүлүгү таарынып калган кызды кооз, кымбат баалуу белек менен "сатып алгысы" келет.
Адис мындай адаттары бар эркектерден сак болууга чакырат.