БИШКЕК, 15-мар. – Sputnik. Президент Садыр Жапаровдун учагы Анкара шаарындагы "Эсенбога" эл аралык аэропортуна келип конду. Бул тууралуу өлкө башчынын маалымат кызматы билдирди.
Аэропорттун флагштокторуна Кыргызстандын жана Түркиянын туулары илинип, Ардак кароол тизилген.
Эске салсак, иш сапардын алкагында мамлекет башчысы Түрк мамлекеттеринин уюмуна катышуучу-өлкөлөрдүн башчыларынын кезексиз саммитинин жыйынына катышат.
Ошондой эле Түркиянын президенти Режеп Тайип Эрдоган менен жолугушуусу күтүлүүдө.