БИШКЕК, 14-мар. – Sputnik. "Россия сегодня" медиа тобунун аткаруучу директору Кирилл Вышинский БУУнун Коопсуздук кеңешинин жыйынында сүйлөдү.
Ал Киев бийлигинин жана башка украин коомчулугунун өкүлдөрүнүн аракеттеринде русофобия болуп жатканын билдирген.
Ал 2022-жылы украин телеканалдарынын эфирлеринде русофобиялык жана адамды жек көрүндү кылган чакырыктар жасалганын эске салды.
"24-каналдын" журналисти Фахрудин Шарафмал түз эфирде "россиялыктардын жана алардын үй-бүлөсүн, балдарын жок кылып сазайын берүүгө" чакырды. Дагы бир журналист орустарга кайрылып "эгерде силердин үй-бүлөңөрдү мууздап салыш керек болсо, мен биринчилерден болом. Улутка даңк!" деп айткан", — деди Вышинский.
Ошондой эле ал украиналык дарыгер, "Мобилдик госпиталь" долбоорунун башчысы Геннадий Друзенко россиялык аскер туткундарын бычып салууга үндөп, аларды "адам эмес, таракан" деп атаганын белгиледи.
"Мындай билдирүүлөрдүн бүгүнкү күндө ишке ашканы россиялык аскер туткундарын атууга кетирип, адамгерчиликсиз мамилелерден көрүнүп турат. Донбасстагы орус тилдүү жай тургундарды аткылаганы да далил", — деди Вышинский.
Аны менен катар Коопсуздук кеңешинин мүчөлөрүнө Украинанын парламентинде Россиянын саясий режимин "рашизм" деп атоо долбоору каралып жатканын айтты.