БИШКЕК, 11-мар. — Sputnik. Кыргызстан орус тилин алып жүрүүчүлөргө муктаж. Бул тууралуу министрлер кабинетинин төрагасы Акылбек Жапаров “Мир” телеканалына курган маегинде билдирди.
Ага мектептерде орус тили сабагынын өтүлүшүнө кандай мамиле жасалып жатканы боюнча суроо узатылды. Жапаров мамлекеттик тилди орус тилине зыян тийгизбестен өнүктүрүү керектигин белгиледи.
“Патриоттор жана ура-улутчул-патриоттор да бар. Бирок буга көңүл буруунун кажети жок. Билим берүү тармагы Кыргызстандын жарандары кыргыз, орус, англис жана компьютер тилин үйрөтүүгө багытталган. Төрт тилдүү программалар ишке берилди. Мамлекеттик тилди да билүү керек. Өзгөчө аткаминерлерге тиешелүү”, — деди Жапаров.
Анын айтымында, өлкөдө расмий тилди кыргыздар өздөрү окутуп жатат. Ал эми бул тилди алып жүрүүчүлөр башка жактарга кетип жаткандыктан азайып баратат. Жапаров мурда Ош менен Бишкекте атайын программа ишке киргенин эске салды. Анда колунда бар депутаттар, бизнесмендер орус мугалимдерин алып келип турушкан. Бирок ошол кезде колдоо таппай калган.
“Учурда биз ушул практиканы колдогубуз келип турат. Биз мугалимдерди айлык акы, турак жай менен камсыздоого даярбыз. Бизге орус тилин алып жүрүүчүлөр керек”, — деди ал.
Жапаров майрамдар тууралуу да өз оюн айтты.
“7-ноябрь, 1-май, 23-февраль, 1-январь, 9-май, Христов рождествосу – бизде ушул майрамдардын бардыгы бар. Бул “кызыл” күндөрдүн бардыгы сакталган, аларды алып салалы деп жаткан эч ким жок. Ар бир тилдин жана маданияттын өзүнүн орду бар. Биздин өлкөдө орус маданияты олуттуу орунду ээлейт, аны изилдеп, өркүндөтүү керек”, - деди ал.
Жапаров кыргыздар Пушкиндин тили менен сүйүүсүн билдирип, Онегинди билбесе – бул чоң трагедия экенин белгиледи.