БИШКЕК, 9-мар. — Sputnik. Улуттук телерадиоберүү корпорациясынын башкы директору Кайрат Иманалиев ээлеген кызматынан бошотулду. Бул тууралуу президенттин маалымат кызматы билдирди.
Анын ордуна Болотбек Тиллебаев дайындалды. Тийиштүү жарлыктарга өлкө башчы Садыр Жапаров кол койгон.
© Фото / пресс-служба НТРК
Маалыматта Иманалиев башка кызматка өткөнү белгиленип, бирок кайсы тармакка кеткени айтылган эмес.
Эске салсак, Кайрат Иманалиев УТРКга 2022-жылдын июнь айында жетекчи болуп дайындалган.