БИШКЕК, 6-мар. — Sputnik. Кыргызстандын футзал боюнча жаштардын курама командасы жолдоштук беттеште россиялыктарга утулуп калды.
Оюн Бишкек шаарындагы "Газпром" дене тарбия комплексинде өтүп, 2:4 эсебинде коноктордун пайдасына аяктады.
Кыргызстандык команда тарабынан Мухаммедис Эралиев менен Архат Медетбеков гол киргизди. Ал эми экинчи тараптан Александр Мусатов, Константин Шуклецов, Максим Баранов жана Данил Башкирев артыкчылык кылып, топ киргизишти.
Эртең, 7-мартта, жооп узаткан беттеш өтмөкчү.
Учурда эки өлкөнүн курама командаларынын ортосунда жолдоштук беттештер өтүп жатат.