БИШКЕК, 2-мар. — Sputnik. Брянск облусунда болгон нерсе — бул теракт. Кол салгандар жарандык автоунаанын ичинде балдар бар экенин көрүп туруп аткылаган. Бул тууралуу Владимир Путин Украина менен чектеш аймакта болгон окуяга комментарий берип жатып айтканын РИА Новости жазды.
Облустун губернатору Александр Богомаздын берген маалыматы боюнча, эртең менен Климовский районуна украиналык диверсиялык-чалгын тобу кирген. Алар Любечане айылында жүрүп бараткан автоунаага ок чыгарган. Натыйжада бир адам каза таап, 10 жаштагы бала ооруканага түшкөн.
ФСБнын маалымат кызматы окуя болгон жерде украиналык улутчулдарга каршы операция жүрүп жатканын билдирди.