БИШКЕК, 1-мар. — Sputnik. Россиянын Жарандык коргонуу, өзгөчө кырдаалдар жана табигый кырсыктардын кесепеттерин жоюу боюнча министри Александр Куренков Кыргызстанга иш сапары менен келгенин Өзгөчө кырдаалдар министрлиги билдирди.
Конокторду "Манас" аэропортунан Кыргызстандын өзгөчө кырдаалдар министри Бообек Ажикеев жана Россия элчиси Николай Удовиченко баштаган топ тосуп алды.
Маалым болгондой, бүгүн Россия Федерациясынан жардам иретинде келген 40 өрт өчүрүүчү унаа расмий түрдө Кыргызстандын Өзгөчө кырдаалдар министрлигине тапшырылат.