БИШКЕК, 28-фев. — Sputnik. Кыргызстандын грек-рим күрөшү боюнча улуттук курама командасынын төрт мүчөсү эл аралык турнирге катышат. Бул туурасында Дене тарбия жана спорт департаменти билдирди.
Маалыматка ылайык, 2-6-март күндөрү Болгариянын София шаарында күрөш боюнча Dan Kolov-Nikola Petrov рейтингдик эл аралык турнир өтөт.
Кыргызстандын атынан катыша турган балбандар:
Жоламан Шаршенбеков — 60 килограмм салмак категориясы;
Амантур Исмаилов — 67 килограмм;
Акжол Махмудов — 77 килограмм;
Үзүр Жусупбеков — 97 килограмм.
Балбандар улук машыктыруучу Улукбек Карачолоков жана башкы машыктыруучу Азат Эркимбаевдин жетекчилиги алдында күрөшөт.