БИШКЕК, 27-фев. — Sputnik. Мирлан Бакиров Мамлекеттик мүлктү башкаруу фондунун жетекчиси кызматынан бошотулду. Бул тууралуу министрлер кабинетинин маалымат кызматы билдирди.
Ал бул кызматта 2021-жылдын декабрь айынан бери иштеп келе жаткан. Бакировдун ордуна 2021-жылдын май айынан тарта Финансылык чалгындоо кызматынын директору болуп келген Канатбек Тургунбеков дайындалды.
Ал эми Финансылык чалгындоо кызматын Финансы министрлигинин башкармалыктарынын биринде иштеген Канат Асангулов жетектемей болду.
Канат Асангулов
© Фото / Данияр Сандыбаев
Тийиштүү буйрукка министрлер кабинетинин төрагасы Акылбек Жапаров кол койду.