БИШКЕК, 26-фев. — Sputnik. Нарында бардык райондун акимдерине кызматтык автоунаалар берилди. Бул тууралуу аймактык кабарчы билдирди.
Маалым болгондой, автоунаалардын ачкычын президенттик администрациянын уюштуруу иштери жана аймактар менен өз ара аракеттенүү бөлүмүнүн инспектору Сабыркул Ашимбаев жана облус башчысы Алтынбек Эргешов тапшырган.
Белгилей кетсек, президенттин тапшырмасы менен алыскы аймактар үчүн Chevrolet Captiva үлгүсүндөгү 90 автоунаа сатып алынган. Анын ичинен беш машина Нарын облусундагы акимдерге берилди.