Путиндин Федералдык жыйынга кайрылуусу дээрлик 2 саатка чейин созулду. Анда айтылган урунттуу учурларды тезис түрүндө беребиз:
Украинадагы неоулутчулдар кимдердин мураскору экенин жашырышкан деле жок. Украинанын Куралдуу күчтөрүнүн бригадасынын бирин СС дивизиясындай эле "Эдельвейс" деп аташты;
Батыш жергиликтүү ызы-чууну глобалдык каршылашууга жеткиргиси келип жатат;
Англиялык чиркөө Кудайдын жынысын кайра карап чыгууну пландап жатат. Кудай өзүң кечир, эмне кылып жатышканын өздөрү да билбейт.
Саткынчылык жолго түшүп, террордук жана башка кылмыштарды жасагандар мыйзам чегинде жоопкерчиликке тартылат;
Батыш россиялыктарды санкциялардын жардамы менен кыйноого аракет жасады. Гуманисттер ушундай. Алар элди кыйнап, коомчулукту ичтен бузгусу келген. Бирок алардын максаты ишке ашкан жок;
Бир жагдай баарына түшүнүктүү болушу үчүн айтып коёюн, Украинага Батыштын алыскы аралыкка атылуучу куралдары канчалык көп келсе, биз коркунучту өз чек арабыздан алыстатууга ошончолук мажбур болобуз;
Батыш мамлекеттери согушка 150 миллиард, ал эми ар дайым кам көрүп жатабыз деген кедей өлкөлөргө 60 миллиард бөлгөн;
Америка чыгарган согуштардын кесепетинен 2001-жылдан бери 900 миң адам каза таап, 38 миңден ашууну качкын болуп калды;
Алар согуш чыгарышты, биз аны токтотууга күчүбүздү жумшап жатабыз. Донбасс, Донецк жана Луганскиде жаңы чабуулдарды жасоону пландап жатканын таасын түшүнүп турганбыз, кийинки максаты Крым жана Севастополь болгон. Биз аны билип жатканбыз. Азыр ачык эле айтып, далилдеп жатышпайбы;
Украинадагы чырдын чыгышына, эскалацияга, курман болгондордун санынын өсүшүнө Батыш элитасы себепкер. Жоопкерчилик Батыштын жана өз элин өгөйлөгөн азыркы Киев режиминин мойнунда;
Украинанын эли менен согушкан жокпуз. Бул тууралуу мен көп жолу айттым. Украинанын эли Киев режими менен анын Батыштагы жетекчилеринин барымтасында калды. Алар бул өлкөнү саясий, аскердик жана экономикалык мааниде алып караганда оккупациялап алды;
Алар Россияны согуш талаасында жеңүүгө мүмкүн эместиги туурасында билбей, аңдабай жатышат.