БИШКЕК, 20-фев. — Sputnik. Кечээ түштө Тогуз-Торо районундагы Атай айылынын 45 жаштагы тургуну жылкы карайм деп тоого чыгып, көчкү алдында калып көз жумду. Бул тууралуу ӨКМдин маалымат кызматынан кабарлады.
Анын жанындагы эки киши аман калган. Кырсык болгон жерге 11 куткаруучу, жергиликтүү 17 адам барып өздөрүнүн күчү жана бир техника менен издешкен. Көчкү саат 15:00 чамасында түшүп, ал эми кеч курун, тагыраагы, 18:00гө жакын айылдагылар маркумдун сөөгүн кардын алдынан таап чыккан.