БИШКЕК, 20-фев. — Sputnik. Төрага Нурланбек Шакиев баштаган парламенттик делегация Кореяга расмий иш сапар менен жөнөп кетти. Бул тууралуу Жогорку Кеңештин маалымат кызматы билдирди.
Сапардын алкагында Шакиев Кореянын Улуттук ассамблеясынын төрагасы Ким Чжин Пхё баштаган жетекчилер менен бир катар жолугушууларды өткөрөт. Ошондой эле кыргыз диаспорасынын өкүлдөрү жана мекендештер менен да баарлашып, Кореядагы өнөр жай ишканаларынын ишмердүүлүгү менен да таанышары айтылды.
Делегациянын курамында вице-спикер Нурбек Сыдыгалиев, депутаттар Султанбай Айжигитов, Акылбек Түмөнбаев, Марлен Маматалиев, Жанарбек Акаев, Искендер Матраимов, Айбек Алтынбеков, Таалайбек Сарыбашов жана Алишер Эрбаев бар.