БИШКЕК, 8-фев. — Sputnik. Кыргызстандын тоолуу аймактарындагы жолдордо, ашууларда көчкү түшүү кооптуулугу бар. Мындай шашылыш билдирүүнү ӨКМ таратты.
Бул 9-11-февралда күтүлүп жаткан жаан-чачынга байланыштуу экендигин айтышты.
Кооптуу жерлер:
Бишкек — Ош жолунун 121-138-чакырымдарында (Төө-Ашуу) жана 198-265-чакырымдары (Чычкан капчыгайы, Ала-Бел ашуусу);
Суусамыр — Талас — Тараз жолунун 1-14-чакырымдары (Өтмөк ашуусу);
Мырзаке — Кара-Кулжа — Алайкуу жолунун 70-107-чакырымдары;
Ала-Бука — Каныш-Кыя жолунун 68-113-чакырымдары (Чапчыма ашуусу);
Красная-Горка — Ак-Таш жолунун 2-чакырымдарында көчкү түшүп, күрткү жаралышы күтүлөт, жолдор тайгак болуп, муз тоңот.
ӨКМ жолдогу автоунаалардын ортосундагы 500 метрлик аралык сакталышы зарылдыгын эске салды.