БИШКЕК, 6-фев. — Sputnik. Опузалап акча талап кылган деген шек менен кримтөбөл Камчы Көлбаевдин уюшкан кылмыштуу тобунун мүчөсү А.Р.Б. кармалды. Бул тууралуу УКМКнын маалымат кызматы билдирди.
Ал Жалал-Абад шаарында жабырлануучудан 120 миң сом алып жаткан жеринен колго түшүрүлгөн. Кармалган адам коркутуу жолу менен калаа тургунунан 2 миллион 900 миң сом беришин талап кылган.
Бул факты боюнча Кылмыш-жаза кодексинин 208-беренеси ("Опузалап талап кылуу") менен кылмыш иши козголду. Шектүү А.Р.Б. 12-мартка чейин тергөө абагына киргизилген. Тергөө иштери жүрүп жатат.
УКМКнын Жалал-Абад облустук башкы башкармалыгы уюшкан кылмыштуу топтор тарабынан жабыркагандар болсо кабарлоого чакырды.