Төмөндө окурмандарга деңизди байырлаган эки жаныбардын "кармашы" кантип аяктаганын көрүүнү сунуштайбыз.
Алгач акула олжосун оңой эле кармап алчудай болуп жүргөн. Бирок дрон менен тартылган видео эки кызыкчылык — азык таап жеш үчүн жана жанын аман сактап калуу үчүн болгон күрөштү алаканга салгандай көрсөтүп берди.
Айбат кылып, коргонууга кылган аракети анча майнап бербеди өңдөнөт. Акуланы улам жаңылтып, улам ар кайсы жактарга бурулуп кетип, жанын ала качкан балыктын да анткен менен бир топ чарчаганын байкоого болот. Акыры жырткычтын азуусуна илинерге аз калганда суунун түбүнө сүңгүп, кумду чачкылап жиберген. Андан улам суу ылайланып, эч нерсе көрүнбөй калып, акула олжосун жоготуп алган. Ыңгайлуу бул учурдан пайдаланган балык адамдар бар катерди көздөй сүзүп, из жашырган.
Видео куру жалак калган жырткычтын келген тарабына, төмөн көздөй, ал эми аман калган акылдуу балыктын жогору көздөй сүзүп баратканы менен аяктаган.