БИШКЕК, 4-фев. — Sputnik. Кыргызгидромет агенттиги алдыдагы жумага карата Ош облусунун аба ырайы тууралуу маалымат берди.
Аптанын башында күн жылуу болуп, аягында абанын температурасы төмөндөшү күтүлөт.
5-февралда күндүз жаан жаашы мүмкүн. Ал эми 6-февралда жаан-чачын күтүлбөйт. 7-9-февралда жаан жаап, жер-жерлерде кар жаайт. 10-11-февралда мезгил-мезгили менен кар жаашы болжолдонууда.
Жолдор тайгак болуп, батыштан соккон шамалдын ылдамдыгы секундасына 4-9 метрге жетери айтылды.