БИШКЕК, 4-фев. — Sputnik. Кыргыз футбол союзу "Футбол мектепте" программасын ишке ашыра баштады.
Маалымдалгандай, долбоор 9-февраль күнү мектеп жана балдар үйлөрүнүн дене тарбия мугалимдеринин жалпы чогулушу менен башталат. Программага Чүй облусундагы жана Бишкек шаарындагы мектептерден 60 мугалим тандалган.
Долбоордун максаты — дене тарбия мугалимдеринин квалификациясын жогорулатуу, балдарга карата зомбулукту алдын алуу, мугалимдерге футбол техникасынын негизги ыкмаларын жана биринчи медициналык жардам көрсөтүүнү үйрөтүү.
Программа алты этаптан турат:
эки күндүк билим берүүчү программа;
"D" сертификатынын жана "C" лицензиясынын машыктыруучулук курстары;
миңден ашык окуучулардын катышуусунда мектептер ортосундагы достук турнирлерди жана фестивалдарды өткөрүү;
катышуучулар "D" сертификаты жана "C" категориясындагы машыктыруучу лицензиясын алган соң мугалимдиктен тышкары футбол боюнча машыктыруучу да болуп иштей алат.
Программа Азия футбол конфедерациясынын (АФК) каржылык колдоосу менен ишке ашууда.