БИШКЕК, 2-фев. — Sputnik. Биз бардыгыбыз Украина менен болгон чатактын соңуна чыгышын каалап жатабыз. Бирок мында убакыт негизги маселе эмес. Бул тууралуу Россиянын тышкы иштер министри Сергей Лавров билдирди. Ал "Россия 24" телеканалы менен РИА Новости агенттигине интервью берген.
"Бардыгыбыз мунун бүтүшүн каалап жатабыз. Бирок мында убакыт маанилүү эмес. Негизги маселе орус маданиятынын бир бөлүгү болуп калгысы келген калкыбыз үчүн жасалып жаткан иштердин сапаттуу жыйынтыгында", — деди Лавров.
Министрдин айтымында, Украинадагы кырдаалды Батыштын аракеттери курчутуп жатканы ачык-айкын көрүнүп турат.
"Тынчтана албаган Батыштын сазга баткандай бул ишке байланып калышы операцияга чоң таасирин тийгизип жатат. Сиз туура айттыңыз, абал барган сайын курчуп баратат", — деди ал.
Лавров белгилегендей, Киевди Москва менен сүйлөшүүгө эч ким үндөгөн жок.
"Алар ("Батыштагы кесиптештер" — ред.) сүйлөшүүлөрдөн баш тартып, Киев режимин сүйлөшүү процессинен оолактоого мажбурлашты. Өзүңүз билгендей, бир учурда муну саясий жол менен чечип коюуга мүмкүнчүлүк болгон. Бирок так ошол учурда Киевге буга жол бербей коюшту. Ошондон бери Киевди Москва менен сүйлөшүүгө эч ким үндөгөн жок", — деди Лавров.
Ал ошондой эле Россия согуш талаасында жеңишти камсыздап берүүнү убадалаган "Батыштагы кесиптештери" сыяктуу аракеттерди жасап жатканын кошумчалады.