БИШКЕК, 1-фев. — Sputnik. Чүй электр тармактар ишканасынын башкы инженери Т.М.З. пара берүү фактысы боюнча кармалды. Бул тууралуу УКМКнын маалымат кызматы билдирди.
© Фото / пресс-служба ГКНБ
Ага ылайык, Т.М.З. Аламүдүн РЭСинин жетекчилик кызматына баруу үчүн Энергетика министрлигинин өкүлдөрүнө бир нече жолу акчалай сыйлык сунуштаган.
"Шектүү 31-январда 350 миң сомду пара катары берип жаткан жеринен колго түштү", — деп айтылат маалыматта.
Учурда Кылмыш-жаза кодексинин 345-беренеси ("Пара берүү") боюнча Кылмыштардын бирдиктүү реестрине катталган сотко чейинки өндүрүш иши боюнча тергөө амалдары жүрүп жатат.