БИШКЕК, 1-фев. — Sputnik. Нарын облусунун Ат-Башы районуна караштуу Баш-Кайыңды айылынын тургуну Сулайман Үмөтакунов өткөн жылы дүйнө салган агаларына аш берүүнүн ордуна өспүрүмдөр арасында райондор аралык куран окуу жарышын уюштурду. Бул тууралуу Sputnik Кыргызстан агенттигинин аймактык кабарчысы билдирди.
1 / 3
Нарын облусунун Ат-Башы районуна караштуу Баш-Кайыңды айылынын тургуну Сулайман Үмөтакунов өткөн жылы дүйнө салган агаларына аш берүүнүн ордуна өспүрүмдөр арасында райондор аралык куран окуу жарышын уюштурду
© Фото / Алмазбек Омурзаков
"Курандан пайда болгон соопторду маркумдарга багыштоону туура көрдүк", — деди ал.
Облус казысы Эрик Молдокулов, анын орун басары Кумарбек Орозалиев, Ат-Башы районунун баш имам-хатиби Абдулла Тахиров, Нарын шаарындагы медресенин устаздар жамааты сынакка калыстык кылышкан.
Алдыңкы орундарды алган жеңүүчүлөргө акчалай сыйлыктар тапшырылды.
