БИШКЕК, 30-янв. — Sputnik. Россия соода-сатык аркылуу өнүгүү үчүн АКШнын достугу менен долларынын кереги жоктугун далилдеп жатат. Бул тууралуу конгрессвумен Марджори Тэйлор Грин өзүнүн социалдык баракчаларынын бирине жазды.
"Украинадагы жаңжал доллардын дүйнөлүк валюта деген аталышынан ажыратып коюшу мүмкүн. Биздин өзүбүзгө болгон ишенимибиздин жана НАТОго кирбеген Украинадагы "демократияны сактап калуу үчүн күрөштүн" айынан Россия гүлдөп өнүгүү үчүн америкалык доллардын же достуктун кереги жок экенин далилдеп турат", — деп жазган Тейлор Грин.
Ал АКШнын Украина аркылуу Россия менен согушу Кытай үчүн эң пайдалуу экенин айтып, Вашингтонду жаңжалды токтотууга чакырды.
"Россия, Кытай, Иран жана башка көптөгөн өлкөлөрдүн, анын ичинде ОПЕКтин ортосунда жаңы альянстар түзүлүүдө. Кытай аскердик жана экономикалык жактан эң чоң держава болууну каалайт, аны бул орундан сүрүп чыгарууга кеч болуп калышы мүмкүн", — деди саясатчы.
Тейлор Гриндин пикирин Кошмо Штаттарында колдогондор көп эмес. Анын айтымында, "согушкерлер Россиянын жеңилиши үчүн бардык каражаттарды жана каалаган суммадагы ставканы коюуну улантууда".
"Бүгүнкү күндө Кытай дүйнөлүк тарыхтагы эң тез өсүп жаткан аскерий держава. Биз ресурстарды түгөтүп, Россия менен үчүнчү дүйнөлүк согуштун босогосунда турабыз. Эгерде биз өзүбүз жөнүндө ойлонуп, кетирген каталарыбызды оңдобосок, анда Америка, Россия жана Украинанын баары жок болот. Биз утулабыз, ал эми Кытай жеңет", — деп жазган конгрессвумен.
Ал Украинага берилүүчү жардамдын ар бир центине каршы добуш берип жатканын, буга чейин бөлүнгөн 113 миллиард долларга коомдук аудитти талап кылганын кошумчалаган.