БИШКЕК, 28-янв. — Sputnik. Бүгүн Садыр Жапаровдун Кыргызстандын президенти кызматына киришкенине эки жыл болду. Буга байланыштуу анын маалымат кызматы Жапаровдун өткөн жылдын февраль айынан бүгүнкү күнгө чейинки ишмердүүлүгүн чагылдырган сүрөттөрдү жарыялады.
Администрациядан белгилегендей, мамлекет башчынын сайтындагы ал сүрөттөрдүн көпчүлүгү буга чейин эч жерде жарыяланган эмес.
Эске салсак, Садыр Жапаровдун президенттик кызматка киришүү алдындагы ант берүү аземи 2021-жылдын 28-январында өткөн. Ал Токтогул Сатылганов атындагы Кыргыз улуттук филармонияда болуп, ага кыргызстандыктар жана чет элдиктерди кошкондо 1000ге чукул адам катышкан.
Садыр Жапаров Кыргызстандын эгемен тарыхындагы алтынчы президент.