Маалыматка ылайык, 2022-жылдын сентябрынан тарта видеобайкоо аркылуу издөөдө жүргөн адамдарды аныктоо тутуму тесттик режимде ишке киргизилип, көчөлөргө 2 141 камера орнотулган. Камеранын жардамы менен 163 адам кармалган, анын ичинен издөөдө жүргөн 137 жана дайынсыз жоголгон 27 киши аныкталган.
"Бул система ишке киргенден кийин жарандардын уюлдук телефондорун жана башка мүлктөрүн уурдоо, баңгизатын мыйзамсыз сактоо фактылары ачыкталды. Муктаж болгон жарандарга өз убагында медициналык жардам көрсөтүлүп, массалык мушташ фактыларына бөгөт коюуга мүмкүндүк берди. Тагыраак айтканда, 16 кылмыштын бети ачылып, 1 197 мыйзам бузуулар катталып, 187 мушташты болтурбай коюуга мүмкүн болгон. Аны менен катар 698 жол эрежесин бузуу катталып, 1 323 адамга жардам көрсөтүлгөн", — деп айтылат маалыматта.
Криминогендик кырдаалга ИИМдин Коомдук коопсуздук кызматынын ыкчам башкаруу борбору күнү-түнү үзгүлтүксүз мониторинг жүргүзүп турат.