БИШКЕК, 26-янв. — Sputnik. Бишкекте түштөн кийин окуган окуучулар ушул аптанын аягына чейин кайрадан онлайн-окууга өтүштү. Бул тууралуу Бишкек шаардык мэриясынан маалымдалды.
Чечим Өзбекстандын президентинин сапары учурунда Бишкектеги айрым жолдордун жабылышына байланыштуу кабыл алынган.
Билдирмеде окуу 26-27-январда онлайн-форматта боло тургандыгы белгиленген. 28-январда жана кийинки аптанын башында окуучулар кайра кадимки окуу тартибине өтүшөт.
Ал эми бала бакчалар кадимки тартипте иштей тургандыгын турганын Sputnik агенттигине Бишкек шаардык билим берүү башкармалыгынан билдиришти.