БИШКЕК, 26-янв. — Sputnik. Australian Open чемпионатында теннисчи Новак Джоковичтин атасы Срджан Джокович күйөрмандар ал жерге ала барган Россия жана ДЭРдин желеги менен сүрөт, видеого түшкөн.
Бул туурасында Sputnik Ближнее зарубежье өзүнүн Telegram-каналында маалымдады.
Видеодон желектерден тышкары Z белгиси коюлган футболкачан кишини көрүүгө болот. Күйөрман Россия байрагы менен РФ лидери Владимир Путиндин сүрөтүн көтөрүп турат.
Андан тышкары, Срджан Джокович "Да здравствуют русские!" деп айтканын угууга болот. Чемпионаттын уюштуруучулары теннисчинин үй-бүлөсүнө кайрылып, саясий билдирүүлөрдү жасоодон алыс болууну талап кылышкан.