БИШКЕК, 23-янв. — Sputnik. Бишкекте үч мектеп аралыктан окутууга өттү. Бул тууралуу калаа мэриясы маалымдады.
Кеп №87, 81, 96 мектептер туурасында болууда. Бишкек мэриясынан бул көрсөтмөнү Мамлекеттик санитардык-эпидемиологиялык көзөмөл борбору бергенин айтышты. Мындай чечим электр энергиясынын өчүрүлүшүнөн улам билим жайларындагы жылуулук талапка жооп бербей калып, кабыл алынган. Балдар азырынча бир жумадай онлайн окуп турушмакчы.